நநிகீ - 1

நீ 

என்

வெட்க அளவி!

*** *** ***

உன்

கவிதை மறைவில்

ஓய்வெடுக்கிறேன்!

*** *** ***

அவ்வப்போது

என் கை விரல்களும்

உன் சட்டைப் பொத்தான்களாய்!

*** *** ***

நீ

ஆர்ப்பரிக்கும் 

கரை!

*** *** ***

உதிர்த்தப் பின்தான்

தெரிந்தது

என் வெட்கத்தின் பெயர்

நீயென்று!

-கலைலலிதா

காதல் சூது..!

ஒரு நாள் முழுவதும் உன்னோடிருக்க வேண்டும்

உன் ஆசையெல்லாம் உன்னருகிலிருந்து கேட்க வேண்டும்

உன்னோடு பேசிச் சிரிக்க வேண்டும்

அன்றே மரித்தாலும் ஆனந்தமே!

*** *** ***

உன்னை எழுதும்போது மட்டும் ஒரு அடித்தல் திருத்தலில்லை

எழுத்துக்கள் என்னை ஏமாற்றுவதில்லை

என் பிழைத்திருத்தி நீ!

*** *** ***

உன் வார்த்தைகள் ஒவ்வொன்றும் மந்திரச் சாவிகள்

என் இதயம் திறக்கிறதே!

*** *** ***

முதல்முறை என் வீட்டுக்கண்ணாடி உன்னைக் காட்டுகிறது

உன் பிம்பம் மட்டும் வெட்டி எடுத்துக் கொள்ளத் தோன்றுகிறது!

*** *** ***

எனக்குள் அவ்வப்போது நிகழ்கிறாய்

அடுத்த நொடி அகல்கிறாய்

சபிக்கப்படதாய் உணர்கிறேன்!

*** *** ***

தொட்டில் குழந்தை நான் உன் கரங்களில்

நீ தாலாட்டு.. நான் இறக்க வேண்டும்!

-கலைலலிதா